السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين
وش لونكم وش اخباركم عساكم بخير بخير انشاء الله اما بعد::
ساهر المؤيد والمعارض والموافق والرافض لهذه الفكره ارجو من المؤيدين وضع فوائد غير الي انا ذكرت ومن المعارضين انهم يتمعنون ويركزون بالفوائد هماه
الفائده الاولا :::قلت الحوادث بشكل ملحوض وتشوفون انشاء الله
الفائده الثانيه :::تعقيل الشباب العنيزاوي الي مايفكر الا بعواطفه ولا يفكر وش الي يبي يصير
حادث الكامري لو انه ما اسرع كان ماصار الي صار من السرعه الزايده الله يهديه السياره مشت على تندته حول ثلاث مواصير
وحوادث قطع الاشاره وخاصه الي بطريق البر وكم حادث ماتو به ناس الله يغفر لهم ويرحمهم
ولا ننسى حادث عمر الرعوجي الله يغفر له ويرحمه ويسكنه فسيح جناته
الفائده الثالثه :::يلي تعارض فكره ساهر خلك معي بالصوره لو جو لمك المرور وقالو نبي نقطع رجلك ولا تعطينا قيمه المخالفات الي عليك وهي 50 الف ياشيخ قسمن بالله ان تدفع لو يقولون لك 100 الف
وما تدرون انكم بالسرعه وتقطيع الاشارات يمكن تصيرون سبب في تشريد عائله او اعاقه او وفاه فما بالك لوكان ابوك ولا اهلك الي انت صادمهم ....
ولاتقولي شف فلان انقلب 5 قلبات ولا جاه شي ولا تقول لالا تخاف علي انا بس ابوسبع ارواح اقولك خل عنك الطهبله وترفق بعمرك الله يهديك
اما عن انا الصراحه من المؤيدين لنظام ساهر بس لا يتعدى حدوده يعني السرعه الاشارات التفحيط ...
ومن المؤسف صراحه ان البعض يدعي على من وضع النظام ويتحسب عليه وهو اصلا ما وضع الا من اجل حياته .....
والسلام خير الختام